नेपाली अमेरिकन सामुदायिक केन्द्र न्याकद्वारा महाशिवरात्री पूजा तथा साँस्कृतिक कार्यक्रमको आयोजना
२०२१ मार्च १०
वाशिंगटन डिसी । नेपाली अमेरिकन सामुदायिक केन्द्र न्याकले यही बिहीबार बेलुका ५ बजेदेखि जुमको माध्यमबाट वैधिक महत्वको पर्व महाशिवरात्री विधिपूर्वक शिव पूजा-अर्चना, शिव बन्दना, नृत्य र भजन सहित भब्य रुपमा मनाउने भएको छ ।
सो कार्यक्रमको संयोजन गरिरहनु भएका हरिकृष्ण पुडासैनीका अनुसार महाशिवरात्रीको तयारी सम्बन्धमा सबै कामहरु पूरा भइसकेको छ । यसैगरी न्याकको सॉस्कृतिक समितिका संयोजक अरुण रुपाखेतीले अध्यात्मिक विधि प्रक्रिया अनुसार पूजाआजाको तयारी भैरहेको जानकारी गराउंदै सबै महानुभाबहरुलाई जुममार्फत जोडिएर सहभागी भइदिनुहुन अनुरोध पनि गर्नुभएको छ ।
महाशिवरात्रीको विधिपूर्वक पूजाअर्चना गर्न तयारी गरिरहनु भएका पण्डित गुरु राजेन्द्र खनालले बिहीबार बेलुका ५ बजेदेखि नै पूजाआजा सुरु गरिने र ६ बजेदेखि लाईभ कार्यक्रम मार्फत पूजा अर्चनाको दृष्य अवलोकन गराइने जानकारी दिनुभयो ।
यस सन्दर्भमा शिव भगवानको पूजा आराधनाको साथै विभिन्न स्तुति गान, मंत्र, नृत्यहरु र शिव ताण्डव लगायतका झाँकीका झलकहरु पनि स्थानीय बालबालिका, दाजुभाई दिदीबहिनीहरुले प्रस्तुत गर्नु हुने भएको छ ।
उक्त कार्यक्रममा पूजा गर्न ईच्छुक ब्रतालुहरु तथा जो सुकैले पनि जुम मार्फत् जोडिन सक्नु हुने बताइएको छ ।
जुमको लिंक यहाँ तल राखिएको छ ।
कार्यक्रम : भर्चुअल डेमोसहित
समय : बेलुका ५ बजेदेखि , फेसबुक लाईभ ६ बजेदेखि
मिति : २०२१ मार्च ११ महाशिवरात्री
आयोजक : न्याक कल्चरल टिम भर्जिनिया यूएसए
