दशैँ तिहार २०२२/ २०७९ को साईत तथा तिथिमिति अमेरिका र क्यानडाको लागि

दशैँ तथा तिहार २०२२/ २०७९ को साईत तथा तिथिमिति अमेरिका र क्यानडाको लागि

बडादशैँको हार्दिक शुभकामना ।
दशैँको टीकाको साइत नेपालमा ११:५१ बजे, कुन देशमा कुन दिन, कति बजे ? हेर्नुहोस् –

यस वर्षको दशैँको टीकाको साइत नेपालका लागि असौज १९ गते ११:५१ बजे जुरेको छ। नेपाल पञ्चांग निर्णायक समिति र अन्तर्राष्ट्रिय पञ्चांग निर्णय समितिले टीकाको साइत जुराएको हो।

नेपाल पञ्चांग निर्णायक विकास समितिको भदौ ३१ गते बसेको बैठक र अन्तर्राष्ट्रिय पञ्चांग निर्णय समितिको असौज ५ गते बसेको बैठकले टीकाको साइत र समयतालिका निकालेका हुन्। अन्तर्राष्ट्रिय पञ्चांग निर्णय समितिले कुन देशमा कति बजे टीका लगाउने भन्नेबारे शुभसाइत र समय निकालेको छ। नेपालमा भने असोज १९ गते ११:५१ बजे टीकाको उत्तम साइत जुरेको नेपाल पञ्चांग निर्णायक समितिले जनाएको छ।
कुन देशमा कति बजे टीका लगाउने
अन्तर्राष्ट्रिय पञ्चांग निर्णय समितिका सदस्यसचिव लक्ष्मण पन्थीसँगको कुराकानीका आधारमा अमेरिका, क्यानडा, पोर्चुगल, बेलायत, फ्रान्स, ओस्लो, स्विट्जरल्यान्ड र क्यानडामा अक्टोबर ४ तारिखमा टीकाको शुभसाइत जुरेको छ।

अमेरिकाको न्युयोर्कमा अक्टोबर ४ तारिख ११:११ बजे, वाशिंटन डिसी, भर्जिनिया, मेरिल्याण्ड वरपर ११:२५ बजे, केन्टुकी ११:५५ बजे, टेक्सास ११:३५ बजे र क्यालिफोर्निया ११:३५ बजे सोही दिन अक्टोबर ४ तारिख दशैँको टीकाको शुभसाइत जुरेको छ । त्यसै गरी सोही दिन अक्टोबर ४ तारिख ११:३९ बजे क्यानडाको टोरेन्टोमा बस्नेले दशैँको टीका लगाउनको लागि उत्तम साइत जुरेको छ।
तलको विज्ञप्तिमा प्राय धेरै वटा देश तथा ठाउँको शुभसाईत हेर्न सक्नु हुनेछ । धन्यवाद